Dəri xəstəlikləri

• Psoriaz;
• Ekzema;
• Atopik dermatit;
• Seboreya;
• Çəhrayı liken (Pityriasis rosea);
• Furunkullar;
• Sikoz və digər piodermiyalar;
• Ürtikariya (qurddeşənəyi);
• Skleroderma;
• Qaşınma;
• Yaralar;
• Yataq yaraları (dekubitlər);
• Xroniki xoralar;
• İxtioz;
• Keratodermiya və digərləri.

Dermatologiyada Naftalan və Naftalan əsaslı preparatlar

Naftalan və Naftalan əsaslı preparatlar qədim zamanlardan dəri xəstəliklərinin müalicəsində istifadə olunur. Naftalan neftinin dəriyə müsbət təsirləri arasında keratinləşmə prosesinin sabitləşməsi, epidermisdə Langerhans hüceyrələrinin sayının artması və onların bərabər paylanmasının bərpası qeyd olunur. Onun yerli keyidici təsiri dərinin və alt toxumaların həssaslığını azaldır ki, bu da Naftalanın qaşınma əleyhinə təsirini göstərir.

Naftalanın iltihabəleyhinə, desensibilizəedici, antihistamin və ağrıkəsici xüsusiyyətləri müxtəlif dəri və dərialtı toxuma xəstəliklərinin müalicəsində təsdiq edilmişdir. Bu gün Naftalan terapiyası psoriaz, ekzema, dermatit və digər dermatoloji xəstəliklərin müalicəsində ən effektiv üsullardan biri hesab olunur.